Tag: Health education

Posted on by

အဝလွန်ရောဂါကို အစာအိမ်မှန်ပြောင်းဖြင့်ကုသခြင်း

ကယ်လိုရီများတဲ့အစားအသောက်ရှောင်၊ လေ့ကျင့်ခန်း ပုံမှန်လုပ်ဖို့လည်း အရေးကြီးပါတယ်။
အဲ့လိုလုပ်ရုံနဲ့ လိုအပ်သလောက် ဝိတ်မကျလာတဲ့သူတွေအတွက် ကုသနည်းတွေ ဆက်ရှိနေတာပါ။

အဝလွန်တဲ့ လူနာတွေအတွက် (၆) လ လောက်အတွင်း သိသိသာသာ (၁၅ ရာခိုင်နှုန်းလောက်အထိ) ဝိတ်ကျသွားအောင် အစာအိမ်မှန်ပြောင်းကြည့်ပြီး ဘောလုံးလေးရေဖြည့်ပြီးထည့်ပေးထားတာ၊ အစာအိမ်ကျုံ့သွားအောင် တွဲချုပ်ပေးတာ စတဲ့ ကုသမှုတွေ အပါအဝင် နည်းလမ်းမျိုးစုံရှိပါတယ်။

အစာအိမ်အတွင်း ရေဘောလုံးထည့်တာကို ဒီမှာ လုပ်နိုင်ပါတယ်။ အရည်အသွေးကောင်းတဲ့ ဘောလုံးက ဈေးကြီးနေလို့ စုစုပေါင်း သိန်းတစ်ရာလောက် ကုန်ကျနိုင်တယ်။ ဘောလုံးပြန်ထုတ်ပြီးရင်တောင် အစားအသောက်ပုံစံပြောင်းသွားလို့ အထိုက်အလျောက် ဆက်အကျိုးရှိနေတာကို တွေ့ရပါတယ်။

Semaglutide လို ထိုးဆေးတွေလည်း အဝလွန်ရောဂါအတွက် ထိရောက်ပါတယ်။ ဆေးရဖို့ခက်ပြီး 2.4 mg တစ်ပတ်တစ်ခါ ထိုးရင် တစ်လစာ ဒေါ်လာတစ်ထောင်ကျော် ကျပါတယ်။ အမြဲထိုးနေရမှာဆိုတော့ ကုန်ကျစားရိတ်ချိန်ဆကြည့်နိုင်ပါတယ်။ ရပ်လိုက်ရင် ပြန်ဝလာဖို့များပါတယ်။

ဘယ်လိုလူတွေလုပ်သင့်သလဲ
~~~~~~~~~~~~~~~~
ကိုယ်အလေးချိန်နဲ့ အရပ် အညွှန်းကိန်း BMI 30 ကျော်တဲ့သူတွေ
BMI 27 ကျော်နဲ့ ဆီးချို/သွေးတိုး/သွေးတွင်းအဆီများ/အသည်းအဆီဖုံး/Sleep apnea အိပ်နေစဉ်အသက်ရှူလမ်းကြောင်းပိတ်ရောဂါရှိနေသူတွေလုပ်သင့်ပါတယ်။

ကောင်းကျိုး
~~~~~~~
ဝိတ်ကျမယ်၊ ဆီးချိုနဲ့ တခြား ဇီဝဖြစ်စဉ်ပြဿနာတွေ ကောင်းမွန်လာမယ်။ ကျန်းမာရေး အကျိုးကျေးဇူးများပါတယ်။

ဘေးထွက်ဆိုးကျိုး
~~~~~~~~~~
ဘောလုံးနဲ့အသားမကျသေးခင် တစ်ပတ်လောက်အတွင်း ပျို့/အန်ခြင်း ရှိနိုင်ပါတယ်။ နောက်ပိုင်းသက်သာသွားတာများပါတယ်။ Spartz3 ဘောလုံးနဲ့ဆိုရင် အဆင်ပြေမဲ့အရွယ်အစား ချိန်ညှိပေးလို့ ရပါတယ်။

အဝလွန်ခြင်းကို လျှော့ချနိုင်ပြီး ကျန်းမာပျော်ရွင်ကြပါစေ

ဒေါက်တာငြိမ်းကိုဟိန်း
အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ အထူးကုသမားတော်

Posted on by

သည်းခြေလမ်းကြောင်းကျောက်

သည်းခြေအိတ်ထဲက ကျောက်က လက္ခဏာမပြပဲ ရှိနေနိုင်ပေမဲ့ သည်းခြေလမ်းကြောင်းထဲ ကျောက်ကျပြီး ပိတ်ဆို့မှု/ရောင်ရမ်းမှု ဖြစ်လာရင် ဗိုက်အလွန်အောင့်၊ အသားဝါ၊ ဖျား၊ အန်တာတွေ ဖြစ်လာနိုင်ပါတယ်။
သည်းခြေလမ်းကြောင်းထဲမှာ ရှိနေတဲ့ ကျောက် အရွယ်အစားပေါ်မူတည်ပြီး ERCP အူသိမ်မှန်ပြောင်းကတစ်ဆင့် သည်းခြေလမ်းကြောင်းကျောက်ကို ဆွဲဖယ်ထုတ်ခြင်း၊ လမ်းကြောင်းပွင့်နေအောင် ထောက်ပြွန်ထည့်ပေးခြင်းနည်းစနစ်တွေနဲ့ ကုသပေးနိုင်ပါတယ်။ ကျောက်အရမ်းကြီးနေတယ်၊ သည်းခြေလမ်းကြောင်းထဲကို ဝင်လို့မရအောင်ပိတ်နေတယ်ဆိုရင်တော့ ကျွမ်းကျင်တဲ့ ခွဲစိတ်ပါရဂူနဲ့ တိုင်ပင်ပြီး ကုသရပါမယ်။
Ursodeoxycholic acid 10-15 mg/kg/day ကျောက်ပျော်ဆေး ပုံမှန်သောက်နေခြင်းက လူနာအများစုမှာ အကျိုးရှိပါတယ်။

ဒေါက်တာငြိမ်းကိုဟိန်း
အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ အထူးကုသမားတော်

ကျန်းမာပျော်ရွင်ကြပါစေ

Posted on by

ART

HIV ရောဂါပိုးကုသဆေး ART ကို ကမ္ဘာလုံးဆိုင်ရာ ထောက်ပံ့လှူဒါန်းမှုတွေ၊ ကျန်းမာရေးဝန်ကြီးဌာနရဲ့ အစီအစဉ်တွေကြောင့် မြန်မာနိုင်ငံမှာ အခမဲ့ပေးနေတဲ့နေရာ တော်တော်များပါတယ်။ ပိုးရှိသူများအနေနဲ့ ရောဂါမဆိုးခင် စနစ်တကျကုသမှု ခံယူရင် သက်တမ်းစေ့ ပုံမှန်နီးပါး နေနိုင်မှာ ဖြစ်ပါတယ်။

ဆေးအခမဲ့ပေးနေတာ သိကြပေမဲ့ ရောဂါပိုးရှိသူတိုင်း အခမဲ့ပေးနေတဲ့နေရာတွေက ဆေးထုတ်သောက်နေကြတာ မဟုတ်တာကို တွေ့ရပါတယ်။ ကျွမ်းကျင်တဲ့ ဆရာဝန်နဲ့ တိုင်ပင်ပြီး ဆရာဝန်ညွှန်ကြားချက်နဲ့ သင့်တော်တဲ့ဆေးကို အကြောင်းအမျိုးမျိုးကြောင့် ဝယ်သောက်နေကြတဲ့ လူနာတွေလည်း များပါတယ်။ ကူးနိုင်ခြေဖြစ်ပြီး မကူးအောင် ကာကွယ်ဖို့ ၇၂ နာရီအတွင်း သောက်ရတဲ့ Post-Exposure Prophylaxis (PEP) ဆေးအတွဲကိုလည်း မကြာခဏ လိုအပ်ကြတာ တွေ့ရပါတယ်။

ကျွမ်းကျင်တဲ့ဆရာဝန်နဲ့ ပုံမှန် တိုင်ပင်ပါ၊ စစ်ဆေးပါ၊ ကုသမှုချိန်ညှိပါ။

ဆရာဝန်နဲ့တိုင်ပင်ရန်ဖြစ်စေ၊ ဆေးဝယ်ယူရန်လိုအပ်ရင်ဖြစ်စေ
ငြိမ်းဆေးခန်း (ရန်ကုန်) Phone & Viber 09977273420 ကို သတိရလိုက်ပါ။

မြန်မာနိုင်ငံအတွက် ဆေးကုမ္ပဏီကြီးတွေက တရားဝင် Register လုပ်ပြီး သွင်းထားတဲ့ဆေးတွေကို ဆရာဝန်ညွှန်ကြားချက်ပါတဲ့ လူနာများအတွက် စနစ်တကျ ရောင်းပေးနေတာပါ။
(အခမဲ့ထုတ်ပေးနေတဲ့ဆေးတွေကို တစ်ဖက်လှည့်နဲ့ ပြန်ရောင်းပေးနေတာ မဟုတ်ပါ)
ပုံ၊ ဈေးနှုန်းနဲ့တကွ ကြည့်နိုင်ရန် 1st Comment မှာ Website link ပေးထားပါမယ်။
Comment မှာ ဖြစ်စေ၊ Messenger က ဖြစ်စေလည်း စုံစမ်းနိုင်ပါတယ်။

HIV ရောဂါပိုးကူးစက်မခံရအောင် ဂရုစိုက်ရှောင်ကြဉ်ပါ။
ကူးနိုင်ခြေဖြစ်ပြီးရင်လည်း အချိန်မီ ကာကွယ်ဆေးသောက်ပါ။
ရောဂါပိုးရှိလာရင်လည်း စနစ်တကျ ကုသမှုခံယူပါ။

ကျန်းမာပျော်ရွင်ကြပါစေ။

ငြိမ်းဆေးခန်း (ရန်ကုန်)
Phone & Viber 09977273420

Posted on by

Helicobacter pylori (H. pylori) အစာအိမ်ပိုးကုသခြင်း

န
အစာအိမ်ပိုးကြောင့်
အစာအိမ်နဲ့အူသိမ်ရောင်ခြင်း၊ ပွန်းခြင်း၊ အနာဖြစ်ခြင်းကို မကြာခဏဖြစ်စေနိုင်တယ်။
ရှိနေတာကို မကုပဲထားရင် ကြာရင် အစာအိမ်ကင်ဆာဖြစ်လာနိုင်ခြေရှိတယ်။

Stool H. pylori Antigen ဝမ်းစစ်ဆေးခြင်း၊ မှန်ပြောင်းကြည့်ချိန်မှာ အသားစယူပြီး Rapid Urease Test စစ်ဆေးခြင်း၊ Urea Breath Test လေမှုတ်စစ်ဆေးခြင်းအားဖြင့် ပိုးရှိနေတာကို သိနိုင်ပါတယ်။

ပိုးရှိနေရင် တစ်ကမ္ဘာလုံး သဘောတူလက်ခံထားတဲ့ အာနိသင်ထိရောက်တာ သေချာတဲ့ ပိုးသတ်ဆေးနဲ့အစာအိမ်အက်ဆစ်ထိန်းဆေးတွေသုံးပြီး အနည်းဆုံး နှစ်ပတ် စနစ်တကျ ကုသပေးရပါတယ်။
Readymade combination ဆေးတွေက လိုအပ်တဲ့ ဆေးနဲ့ဆေးပမာဏပါဝင်မှု မလုံလောက်တာ တွေ့ရပါတယ်။

ကမ္ဘာ့အထင်ကရ Guideline တွေနဲ့လည်း ကိုက်ညီပြီး
မကြာသေးခင်က ကျွန်တော်တို့ Myanmar GI & Liver Society က ပြုစုထုတ်ဝေထားတဲ့ Consensus မှာလည်း ဖော်ပြထားတဲ့ ဆေးအတွဲ နှစ်မျိုးရှိပါတယ်။

ကျွမ်းကျင်တဲ့ဆရာဝန်နဲ့ တိုင်ပင်ဆွေးနွေးပြီး ညွှန်ကြားချက်ရမှ စသောက်ပါ။

Bismuth Quadruple Therapy (BQT)
————————————-
ဆေးတွေရဲ့ဘေးထွက်ဆိုးကျိုးပိုများပေမဲ့ အရှင်းပျောက်နိုင်ခြေ ရာခိုင်နှုန်းပိုများလို့ အသုံးများတယ်။ နှစ်ပတ်သောက်ရပါတယ်။
Bismuth subsalicylate 300 mg တစ်ရက် (၄) ကြိမ်
(မြန်မာနိုင်ငံမှာ Besmal နာမည်နဲ့ 524 mg ပါတယ် တစ်လုံး (၄) ကြိမ်ပေးတယ်၊ Bismol နာမည်နဲ့ 265 mg၊ Gastrobiz နာမည်နဲ့ 262 mg ပါတယ် နှစ်လုံး (၄) ကြိမ်ပေးတယ်)
Tetracycline 500 mg တစ်ရက် (၄) ကြိမ်
Metronidazole 500 mg တစ်ရက် (၃) ကြိမ်
(200 mg ပဲပါတာများတော့ နှစ်လုံး (၄) ကြိမ်ပေးလိုက်တာ အဆင်ပြေတယ်၊ တခြား Guidelines တွေမှာတော့ တစ်ရက် အနည်းဆုံး 1500 mg ပေးဖို့ တိုက်တွန်းတယ်)
Rabeprazole 20 mg or Esomeprazole 20 mg or Omeprazole 40 mg တစ်ရက် (၂) ကြိမ်
(Pantoprazole ဆိုရင်တော့ 80-120 mg တစ်ရက် (၂) ကြိမ်လောက်ထိလိုမယ်)

Non-Bismuth Quadruple Therapy (NBQT)
————————————-
နှစ်ပတ်သောက်ရပါတယ်။ အများစုတော့ ပျောက်ကြတယ်၊ ဒီဆေးအတွဲနဲ့ မပျောက်တဲ့ အစာအိမ်ပိုးရှိသူ (၁၀) ရာခိုင်နှုန်းကျော်ရှိနိုင်တယ်။ မပျောက်ရင် အပေါ်မှာ ပြောခဲ့တဲ့ BQT ဆေးအတွဲကို ထပ်သောက်ရမယ်။

Amoxicillin 1000 mg တစ်ရက် (၂) ကြိမ်
Metronidazole or Tinidazole 500 mg တစ်ရက် (၂) ကြိမ်
(Tinidazole မရရင် Metro 200 mg တွေဆိုတော့ တစ်လုံးခွဲ နှစ်ကြိမ် သောက်ရဖို့များတယ်)
Clarithromycin 500 mg တစ်ရက် (၂) ကြိမ်
(မြန်မာအပါအဝင်အိမ်နီးချင်းနိုင်ငံတွေနဲ့ ကမ္ဘာ့နိုင်ငံတော်တော်များများမှာ အစာအိမ်ပိုးသည် Clarithromycin ဆေးနဲ့မတိုးတော့တာ (၁၅-၂၀) ရာခိုင်နှုန်းကျော်တွေ့လာရပါတယ်၊ ဒီဆေးအတွဲနဲ့ ကုသမှု မအောင်မြင်ခြင်းရဲ့ အဓိကအချက်လည်း ဖြစ်ပါတယ်)
Rabeprazole 20 mg or Esomeprazole 20 mg or Omeprazole 40 mg တစ်ရက် (၂) ကြိမ်
(Pantoprazole ဆိုရင်တော့ 80-120 mg တစ်ရက် (၂) ကြိမ်လောက်ထိလိုမယ်)

ဆေးတွေပြင်းလို့ ဘေးထွက်ဆိုးကျိုးများပေမဲ့ အစာအိမ်ပိုးက ပေးတဲ့ ပြဿနာတွေကလည်း များလို့ သည်းခံပြီး သောက်ပေးဖို့ တိုက်တွန်းချင်ပါတယ်။

ဆေးသောက်ပြီး အရှင်းပျောက်ပြီလားဆိုတာ သိရဖို့ ဆေးရပ်ပြီး အနည်းဆုံး တစ်လလောက်အကြာမှာ Stool H. pylori Antigen ဝမ်းစစ်ဆေးခြင်း၊ Urea Breath Test လေမှုတ်စစ်ဆေးခြင်းအားဖြင့် စစ်ကြည့်ရပါမယ်။
အစာအိမ်အနာရှိလို့ တစ်လကျော်ရင် မှန်ပြောင်းပြန်ကြည့်သင့်တဲ့ လူနာတွေမှာ အသားစယူပြီး Rapid Urease Test စစ်ဆေးခြင်းလည်း လုပ်နိုင်ပါတယ်။

References
1. Chey WD et al. ACG Guideline. Am J Gastroenterol. 2024.
2. MGLS writing group. Myanmar Consensus. 2024

ဒေါက်တာငြိမ်းကိုဟိန်း
အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ အထူးကုသမားတော်

ကျန်းမာပျော်ရွင်ကြပါစေ

ဆရာဝန် ဆရာ/ဆရာမများနှင့် လူနာများအနေနဲ့ အစာအိမ်ပိုးသတ်ဆေးအပါအဝင် အစာအိမ်အူလမ်းကြောင်း၊ သည်းခြေလမ်းကြောင်းနဲ့ မုန့်ချိုအိတ်ရောဂါ ကုသဆေးများ လိုအပ်ရင် ဆက်သွယ် မှာယူနိုင်ပါတယ်။ Myanmar Registered ဆေးတွေပါ။ မြို့တော်တော်များများ Cash on delivery ရပါတယ်။

ငြိမ်းဆေးခန်း (ရန်ကုန်)
Phone & Viber 09977273420

Posted on by

HIV ကုသရာမှာ အာနိသင်ပိုကောင်းပြီး ဘေးထွက်ဆိုးကျိုးနည်းတဲ့ ART ဆေးအတွဲ


အကြောင်းအမျိုးမျိုးကြောင့် HIV ကူးစက်ခံရပြီး ပိုးတွေမပွားလာအောင် ART ဆေးပုံမှန်သောက်နေရတဲ့သူတွေ များပါတယ်။

တစ်ချို့ ART ဆေးအတွဲတွေက ဘေးထွက်ဆိုးကျိုးအနည်းငယ်ရှိပါတယ်။
Efavirenz ဆေးကြောင့် ခေါင်းမူးခြင်း၊ အိပ်မပျော်ခြင်း၊ အိပ်မက်ဆိုးများမက်ခြင်း၊ စိတ်ဓာတ်ကျ/စိတ်ပူပန်ခြင်း ဖြစ်နိုင်ခြေ ၁၅-၅၀ ရာခိုင်နှုန်းခန့် ရှိပါတယ်။
ဆေးယဉ်ပါးတဲ့ ပြဿနာ ဖြစ်လာနိုင်ခြေလည်း ၅-၁၅ ရာခိုင်နှုန်းခန့် ရှိပါတယ်။
Tenofovir DF 300 mg ဆေးကို နှစ်ကြာကြာသောက်ရင် ကျောက်ကပ်အားနည်းခြင်း ဖြစ်လာနိုင်ခြေ ၅ ရာခိုင်နှုန်းခန့် ရှိပြီး၊ အရိုးပွ/အရိုးကျိုးခြင်း ဖြစ်နိုင်ခြေ ၁၀ ရာခိုင်နှုန်းပိုများပါတယ်။
အာနိသင်ကတော့ မဆိုးပါဘူး၊ စောစောပေါ်ခဲ့တဲ့ဆေးတွေ ဖြစ်ပြီး တစ်ချို့ Brand တွေက ဈေးသက်သာလို့ သောက်နေတဲ့သူတွေများပါတယ်။ Budget ချိန်ရတဲ့ ဆေးအခမဲ့ ပေးတဲ့ စင်တာတွေမှာလည်း ပေးတာများပါတယ်။
ပိုကောင်းတဲ့ဆေး ပြောင်းသောက်ဖို့ အဆင်မပြေရင် Tenofovir DF + Emtricitabine/Lamivudine + Efavirenz ဆေးသာ ဆက်သောက်နေပါ ရပါတယ်။ ကျွမ်းကျင်တဲ့ ဆရာဝန်နဲ့ ပုံမှန်တိုင်ပင်ပြီး လိုအပ်တာတွေ ပုံမှန် စစ်ဆေးပါ။

တစ်ကမ္ဘာလုံးက Recommend လုပ်ကြတဲ့ အာနိသင်ပိုကောင်းပြီး ဘေးထွက်ဆိုးကျိုးနည်းတဲ့ ART ဆေးအတွဲတွေထဲမှာ လက်ရှိ မြန်မာနိုင်ငံမှာ ရနိုင်တာကတော့
Dolutegravir + Emtricitabine + Tenofovir AF 25 mg ပါ
ဆေးသုံးမျိုးပေါင်းစပ်ပါဝင်တဲ့ ဆေးကို တစ်ရက် တစ်လုံး သောက်ရုံပါပဲ။
တရားဝင်တင်သွင်းတဲ့ ဆေးအဖြစ် DOMTAF နဲ့ KOCITAF ဆိုပြီး ရှိပါတယ်။
တစ်လစာ အလုံး (၃၀) ပါ တစ်ဘူးကို ၁၅၀၀၀၀ ခန့် ရှိပါတယ်။ ကုန်ကျစားရိတ် အဆင်ပြေရင် သောက်သင့်ပါတယ်။ ဆေးစမသောက်မီ/ ဆေးမပြောင်းမီ ကျွမ်းကျင်တဲ့ သမားတော်နဲ့ သေချာတိုင်ပင်ပါ လိုအပ်တာ စစ်ဆေးပါ။

ဆေးဝယ်ယူချင်တယ် သို့မဟုတ် အထူးကုသမားတော်နဲ့တိုင်ပင်ချင်တယ်ဆိုရင်

Nyein Clinic ငြိမ်းဆေးခန်း
အမှတ် (၅၁)၊ အနောက်ဈေးဟောင်းလမ်း၊ ဗဟန်း၊ ရန်ကုန်
Phone & Viber 09 977273420 ကို ဆက်သွယ်နိုင်ပါတယ်

ရနိုင်တဲ့ဆေးတွေ ပုံ၊ ဈေးနှုန်းနဲ့တကွ ကြည့်ရန် Comment မှာ Link ပေးထားပါတယ်။

ကျန်းမာပျော်ရွင်ကြပါစေ

Posted on by

H. pylori အစာအိမ်ပိုး

သင်သိပါသလား
***************
လူတစ်ရာမှာ အယောက် ၅၀ လောက် အစာအိမ်ပိုးရှိနေပါတယ်။
အစာအိမ်ပိုးရှိသူတွေဟာ အစာအိမ်နဲ့အူသိမ်မှာ ပွန်းခြင်း၊ ရောင်ခြင်း၊ အနာဖြစ်ခြင်း ဖြစ်နိုင်ခြေများပါတယ်။
အစာအိမ်ပိုးရှိသူ (၅) ယောက်မှာ (၁) ယောက်ကတော့ တစ်ချိန်ချိန်မှာ အစာအိမ်/အူသိမ် အနာဖြစ်နိုင်ခြေရှိပါတယ်။
ပိုဆိုးတဲ့ ပြဿနာကတော့ ကြာလာရင် အစာအိမ်ပိုးရှိသူတွေရဲ့ (၂) ရာခိုင်နှုန်းမှာ အစာအိမ်ကင်ဆာ ဖြစ်နိုင်တာပါ။ (၂) ရာခိုင်နှုန်းပဲ ဆိုပြီး လျှော့တွက်လို့တော့မရပါဘူး။
အစာအိမ်ကင်ဆာရှိသူ (၆၅ – ၈၀) ရာခိုင်နှုန်းမှာ H. pylori အစာအိမ်ပိုးရှိတာကို တွေ့ရတဲ့အတွက် ပေါ့ဆ လို့မရတဲ့ ပိုးအမျိုးအစားဖြစ်ပါတယ်။

စစ်ဆေးချင်ရင် ငွေ ၈၀၀၀ ကျပ် တည်းနဲ့ ငြိမ်းဆေးခန်းမှာ စစ်ဆေးနိုင်ပါတယ်
မစစ်ဆေးမီ သိထားသင့်တာတွေရှိလို့ ကြိုတင်ဆက်သွယ်ရန်
ငြိမ်းဆေးခန်း၊ ဗဟန်း၊ ရန်ကုန် Phone & Viber 09977273420

Posted on by

ငြိမ်းဆေးခန်း

အစာအိမ်အူလမ်းကြောင်း၊ သည်းခြေလမ်းကြောင်းနှင့် မုန့်ချိုအိတ်ရောဂါ ကုသဆေးများ၊ ဘီပိုးဆေး၊ စီပိုးဆေး၊ အသည်းဆေး၊ HIV ART ဆေးများ ဆေးမှန်၊ ဈေးမှန်နဲ့ ဝယ်ယူရရှိနိုင်ပါတယ်။

သမားတော်ဆရာဝန်ကြီးကိုယ်တိုင် ကြီးကြပ်စီစဉ်ပေးနေလို့ သောက်နေကျဆေးတွေ ပြတ်သွားမှာ စိတ်ပူစရာမလိုပဲ ပါဝင်မှုတူတဲ့ ဆေးတစ်မျိုးမျိုးကို အမြဲရရှိအောင် ဝယ်ယူရရှိနိုင်တာက အားသာချက်ပါ။

ဆေးခန်းက ရန်ကုန်၊ ဗဟန်းမှာဆိုပေမဲ့ Delivery ရောက်တဲ့ မြန်မာနိုင်ငံ မြို့တော်တော်များများ အိမ်အရောက်ငွေချေစနစ်နဲ့ မှာယူနိုင်လို့ Customer တွေ အဆင်ပြေကြပါတယ်။ ကားဂိတ်တွေကလည်း ပို့ပေးပါတယ်။ နိုင်ငံခြားရောက်နေတဲ့ လူနာတွေကိုလည်း Agent တွေနဲ့ ချိတ်ဆက်ပြီး ရောက်အောင် ပို့ပေးနေပါတယ်။

ရောဂါခံစားနေရတာမသက်သာတဲ့ အနယ်နယ်အရပ်ရပ်က လူနာတွေ၊ နိုင်ငံခြားရောက်နေတဲ့ လူနာတွေအတွက်
အစာအိမ်အူလမ်းကြောင်း၊ သည်းခြေလမ်းကြောင်း၊ မုန့်ချို့အိတ်နဲ့ အထွေထွေရောဂါ အထူးကုသမားတော်နဲ့လည်း ဆေးခန်းလာပြီးဖြစ်စေ၊ Viber call teleconsultation နဲ့ဖြစ်စေ သေချာ တိုင်ပင် ဆွေးနွေး ကုသမှု ရယူနိုင်ပါတယ်။

ဆေးတွေကို ကျွမ်းကျင်တဲ့ဆရာဝန်ရဲ့ ညွှန်ကြားချက်နဲ့သာ သောက်ပါ

ငြိမ်းဆေးခန်းနဲ့ဆေးဆိုင်မှာ အောက်ပါဆေးတွေ ရရှိနိုင်ပါတယ်။
ကုမ္ပဏီဈေးပြောင်းလဲတတ်လို့ ဈေးထည့်မရေးထားပါဘူး။
ဆေးခန်း ဖုန်း/Viber ကို မေးနိုင်ပါတယ်။ Website link မှာလည်း ဝင်ကြည့်နိုင်ပါတယ်။

အသည်းရောင်အသားဝါ ဘီပိုးကုသဆေးအမျိုးမျိုး

Continue reading ငြိမ်းဆေးခန်း
Posted on by

သည်းခြေကျောက်တည်ခြင်း

➡️ အဖြစ်များသလား

အရွယ်ရောက်ပြီးသူတွေရဲ့ ၁၀-၁၅ ရာခိုင်နှုန်းမှာ သည်းခြေကျောက်ဖြစ်တာကို တွေ့ရလို့ အဖြစ်များတယ်လို့ ပြောနိုင်ပါတယ်။

➡️ကျောက်ရှိတိုင်း လက္ခဏာခံစားရလား

သည်းခြေကျောက်ရှိသူ ၇၅ ရာခိုင်နှုန်းလောက်က ဘာလက္ခဏာမှ မခံစားရပါ။

၂၅ ရာခိုင်နှုန်းကတော့ ၁၀ နှစ်အတွင်း လက္ခဏာ ခံစားရပါလိမ့်မယ်။

➡️ ဘယ်လို လက္ခဏာပြလဲ

သည်း‌ခြေကျောက်ကြောင့် ဗိုက် အပေါ်ပိုင်းသို့မဟုတ် ညာဖက်ခြမ်းအောင့်ခြင်း ဖြစ်တာများပါတယ်။ အောင့်တာက ကျောဖက်အပေါ်ပိုင်းပါ ပါလာနိုင်ပါတယ်။ တစ်ခါအောင့်ရင် ၁၅ မိနစ်၊ နာရီဝက်လောက် ကြာနိုင်ပါတယ်။

အောင့်တာအပြင် ချွေးပြန်၊ ပျို့အန်ခြင်းတွေပါ ဖြစ်လာနိုင်ပါတယ်။

➡️ ဘယ်လို ပြဿနာတွေရှိနိုင်သေးလဲ

သည်းခြေကျောက်ကြောင့် သည်းခြေအိတ်ရုတ်တရက်ရောင်ရမ်းခြင်း၊ သည်းခြေပြွန်အတွင်းကျောက်ရောက်လာခြင်းနှင့် သည်းခြေပြွန်ပိတ်ခြင်း၊ သည်းခြေပြွန်ရောင်ရမ်းခြင်း၊ သည်းခြေကျောက်ကြောင့် ပန်ကရိယ (မုန့်ချိုအိတ်) ရောင်ရမ်းခြင်း၊ ရှားရှားပါးပါး သည်းခြေအိတ်ကင်ဆာဖြစ်ခြင်း တွေပါ ရှိနိုင်ပါတယ်။

➡️ ရောဂါရှာဖွေခြင်း

သည်းခြေကျောက်ကို ဝမ်းဗိုက် အာထရာဆောင်း (တီဗွီဓာတ်မှန်) ရိုက်ရင် တွေ့ရပါတယ်။ သည်းခြေကျောက်ရဲ့လက္ခဏာတွေရှိနေရင် ကျွမ်းကျင်တဲ့ ဆရာဝန်နဲ့တိုင်ပင်ပြီး အာထရာဆောင်း ရိုက်ကြည့်ပါ။ လက္ခဏာတွေက သေချာသလောက်ရှိနေပြီး ပထမအကြိမ် အာထရာဆောင်းမှာ သည်းခြေကျောက်မတွေ့ရင် ၂ ပတ်ကျော်လောက်မှာ ထပ်ရိုက်ကြည့်နိုင်ပါတယ်။ အသည်းနဲ့သည်းခြေလမ်းကြောင်းအတွက် သွေးစစ်ဆေးခြင်း၊ ဝမ်းဗိုက်ရိုးရိုးဓာတ်မှန်ရိုက်ခြင်းလည်း ပြုလုပ်သင့်ပါတယ်။

အဲ့ဒါကိုမှ မတွေ့ရင် လိုအပ်ရင် CT ဓာတ်မှန်၊ MRCP သံလိုက်ဓာတ်မှန် ရိုက်နိုင်ပါတယ်။

လိုအပ်ရင် Endoscopic Ultrasound (EUS) (အသံလှိုင်းပုံရိပ်ဖော်အထူးမှန်ပြောင်း) နဲ့ ကြည့်ရှုစစ်ဆေးနိုင်ပါတယ်။

➡️ သည်းခြေကျောက် ကုသခြင်း

လက္ခဏာမပြတဲ့ သည်းခြေကျောက်တွေကို ကုသဖို့ မတိုက်တွန်းပါ။ အသည်းနဲ့သည်းခြေလမ်းကြောင်း ပြဿနာများပေါ်လာခြင်းနဲ့ သည်းခြေအိတ်ကင်ဆာဖြစ်နိုင်ခြေအနည်းငယ်ရှိခြင်းကြောင့် နှစ်စဉ် စမ်းသပ် စစ်ဆေးမှု ခံယူဖို့တော့ လိုအပ်ပါတယ်။

သည်းခြေအိတ်ကျောက်ကြောင့် လက္ခဏာတွေခံစားရတယ်ဆိုရင် သည်းခြေကျောက်အပါအဝင် သည်းခြေအိတ်ကို ခွဲထုတ်ပြီး ကုသတာ ကောင်းပါတယ်။ Laproscopic Cholecystectomy လို့ခေါ်တဲ့ ဝမ်းဗိုက်မှာ အပေါက်ငယ်လေးတွေဖောက်ပြီး ခွဲစိတ်ကုသခြင်းလုပ်နိုင်ရင်တော့ ပိုကောင်းပါတယ်။

လက္ခဏာလည်းပြတယ် ခွဲစိတ်ကုသဖို့လည်း အကြောင်းအမျိုးမျိုးကြောင့် မဖြစ်နိုင်ရင် သည်းခြေကျောက်အရွယ်အစားကလည်း ၁၅ မီလီမီတာ (၁.၅ စင်တီမီတာ) အောက်ငယ်ရင် သည်းခြေကျောက် ပျော်ဆေး ပေးကြည့်နိုင်ပါတယ် နှစ်နဲ့ချီပြီး ပေးရတာများပါတယ် ကျောက်မပျော်သေးရင်တောင် လက္ခဏာတွေကို မြန်မြန်သက်သာစေနိုင်ပါတယ်။ အသည်းခြေကျောက် အရွယ်အစားက ၂၀ မီလီမီတာ အောက်ဆိုရင် အသံလှိုင်းသုံးကျောက်ချေခြင်း (ESWL) နည်းစနစ်တွေ သုံးနိုင်ပါတယ်။

➡️ သည်းခြေပြွန်ကျောက် ကုသခြင်း

သည်းခြေပြွန်အတွင်းမှာပါ ကျောက်ရှိနေရင် ပန်ကရိယနဲ့သည်းခြေလမ်းကြောင်းမှန်ပြောင်း မှတစ်ဆင့် ကျောက်ထုတ်ခြင်း သို့မဟုတ် ထောက်ပြွန်ထည့်ခြင်းပြုလုပ် ကုသပေးနိုင်ပါတယ်။၊ သည်းခြေပြွန် ခွဲစိတ်နိုင်တဲ့ နေရာမှာဆိုရင် ခွဲစိတ်ကုသလို့လည်း ရပါတယ်။

သည်းခြေပြွန်ကျောက်အပြင် သည်းခြေကျောက်ပါ တွဲရှိနေရင်တော့ လက္ခဏာစပြပြီး (၁၀) ရက်အတွင်း သည်းခြေအိတ်ပါ ခွဲထုတ်ဖို့ လိုပါတယ်။ (၇၂) နာရီအတွင်း သည်းခြေအိတ်နဲ့ကျောက်ထုတ်နိုင်ရင်တော့ အကောင်းဆုံးပါပဲ။ သည်းခြေကျောက်ကို မြန်ြမန်မထုတ်ရင် သည်းခြေပြွန်အတွင်း ကျောက်ထပ်ကျလာပြီး ပိတ်နိုင်ခြေရှိပါတယ်။

သည်းခြေကျောက်ကို အရင် ခွဲထုတ်ဖြစ်တယ် သည်းခြေပြွန်မှာလည်းကျောက်ရှိတာတွေ့တယ် ခွဲထုတ်ဖို့လည်း မလွယ်ဘူးဆိုရင် သည်းခြေအိတ်ထုတ်ပြီးနောက် ပန်ကရိယနဲ့သည်းခြေလမ်းကြောင်းမှန်ပြောင်း မှတစ်ဆင့် ကျောက်ထုတ်ခြင်း သို့မဟုတ် ထောက်ပြွန်ထည့်ခြင်း ပြုလုပ်ပေးရပါတယ်။ သည်ခြေအိတ်ထုတ်ထားပေမဲ့ သည်းခြေပြွန်ထဲမှာ ကျောက်တည်နိုင်ခြေ ရှိနေပါသေးတယ်။

ကျန်းမာပျော်ရွင်ကြပါစေ။

ဒေါက်တာငြိမ်းကိုဟိန်း

Happy & Healthy

အစာအိမ်နှင့်အူလမ်းကြောင်းအထူးကုသမားတော်

References

1. Japan Guideline (Tazuma S, 2016)

2. EASL Guideline (2016)

3. World Society of Emergency Surgery Guideline (Pisano M, 2020)

အစာအိမ်၊ အူလမ်းကြောင်း၊ သည်းခြေလမ်းကြောင်းနဲ့ မုန့်ချိုအိတ် ရောဂါတွေအကြောင်းကို အပတ်စဉ် တနင်္ဂနွေနေ့ ညနေတိုင်း ပြောပြပေးပါမယ်။ Page ကို Like & Follow လုပ်ထားပေးဖို့ တိုက်တွန်းချင်ပါတယ်။ ရေးပေးထားပြီးသား သိမှတ်ဖွယ်ရာ ကျန်းမာရေး ဗဟုသုတတွေကိုလည်း လာဖတ်ကြည့်နိုင်ပါတယ်။

မိတ်ဆွေတွေသိအောင်လည်း မျှဝေနိုင်ပါတယ်။

Posted on by

အစာအိမ်ဆေးစနစ်တကျသောက်နည်း

ကျွန်တော် ခဏခဏ ပြောဖူးသလို ဗိုက်အပေါ်ပိုင်းအလယ်နားက မကြာခဏ အောင့်တတ်ရင် ဆရာဝန်နဲ့တိုင်ပင်ပြီး အစာအိမ်ပိုးရှိနေသလား စစ်သင့်ပါတယ်။ Stool H pylori Antigen Test ဝမ်းစစ်ဆေးခြင်းကတော့ နီးစပ်ရာဓာတ်ခွဲခန်းမှာ အလွယ်တကူ စစ်လို့ရနိုင်ပြီး ဈေးသိပ်မကြီးပါဘူး။ အစာအိမ်ပိုးရှိနေရင်တော့ အစာအိမ်နှင့်အူလမ်းကြောင်းအထူးကုသမားတော် သို့မဟုတ် ကျွမ်းကျင်တဲ့ဆရာဝန်ရဲ့ ညွှန်ကြားချက်နဲ့ သင့်တော်တဲ့ ပိုးသတ်ဆေး အစာအိမ်ဆေးတွေ (၂) ပတ်လောက် သောက်ရပါမယ်။ ပိုးရှိသေးလား ပြန်စစ်ရပါမယ်။

ဗိုက်မကြာခဏအောင့်တယ် အစာအိမ်ပိုး‌တော့မရှိဘူးဆိုရင် Aceclofenac, Diclofenac, Ketorolac, Ibuprofen စတဲ့ အကိုက်အခဲပျောက်အ‌‌ရောင်ကျဆေးတွေ မကြာခဏသောက်နေသလား၊ သောက်နေရင် ရပ်ရပါမယ်။ သွေးကျဲဆေးတွေသောက်နေရင် အစာအိမ်ဆေးတွဲပေးဖို့ လိုနိုင်ပါတယ်။

အချိန်မှန်စားပါ၊ စားလိုက်တိုင်းဗိုက်ပိုအောင့်စေတဲ့ အစားအသောက်တွေကို သတိထားမှတ်သားပြီး ရှောင်ကြည့်ပါ။

အစာအိမ်ပိုးကြောင့်မဟုတ်တဲ့ အစာအိမ်အနည်းငယ် ရောင်ခြင်း၊ ပွန်းခြင်း ပြဿနာ အများစုကို အစာအိမ်ဆေးလို့ အလွယ်ခေါ်တဲ့ Omeprazole, Pantoprazole, Esomeprazole, Lansoprazole, Rabeprazole စတဲ့ Proton Pump Inhibitor (PPI) အုပ်စုဝင် အစာအိမ်အက်စစ်ထုတ်တာလျှော့ချတဲ့ဆေးတွေ သောက်ရင် သက်သာစေနိုင်ပါတယ်။

👉 စနစ်တကျသောက်နည်းဆိုတာက ခုမှ စပြောမှာပါ။

အစာအိမ်ဆေးတွေကို နံနက်စာ မစားမီ နာရီဝက်အလိုမှာ သောက်တာက အာနိသင် အကောင်းဆုံး ရရှိနိုင်လို့ တစ်ရက် တစ်ကြိမ်သောက်ရုံနဲ့ လုံလောက်ပါတယ်။

(လိုအပ်သူတွေမှာတော့ မနက် ည ပေးရတာလည်းရှိပါတယ်)

အရေးကြီးတာက အနည်းဆုံး (၂) ပတ်ကြာအောင် သောက်ဖို့ပါ။ လိုအပ်ရင် တစ်လလောက်ကြာအောင် သောက်ခိုင်းရပါတယ်။

တစ်လလောက် ဆေးသေချာသောက်တာကို မသက်သာပဲ ဗိုက်အောင့်နေသေးရင်တော့ အစာအိမ်နှင့်အူလမ်းကြောင်းအထူးကုသမားတော်နဲ့ တိုင်ပင်ပြီး စစ်ဆေးကုသရပါမယ်။ အစာအိမ်မှန်ပြောင်း ကြည့်သင့်ပါတယ်။

အစာအိမ်ကြောင့်မဟုတ်တဲ့ ဗိုက်အောင့်ခြင်းတွေလည်း ဖြစ်နိုင်ပါတယ်။

ဗိုက်အောင့်ရောဂါကို စနစ်တကျ ကုသမှုရရှိပြီး ပျောက်ကင်း ကျန်းမာ ပျော်ရွင်ကြပါစေ။

ဒေါက်တာငြိမ်းကိုဟိန်း

Happy & Healthy

အစာအိမ်နှင့်အူလမ်းကြောင်းအထူးကုသမားတော်

Posted on by

HIV အရှင်းပျောက်နိုင်သလား

HIV ရောဂါအတွက် သင့်တော်တဲ့ ART ဆေး ပုံမှန်သောက်ရင် သွေးထဲမှာရှိတဲ့ ပိုးကိုသတ်နိုင်တယ် ပြန်မပွားအောင် ထိန်းနိုင်တယ်။ ဒါကြောင့် ဆေးပုံမှန်သောက်နေသူအများစုကို သွေးစစ်ကြည့်ရင် ပိုးမတွေ့တော့ဘူး။

သွေးထဲမှာ ပိုးမတွေ့တော့ရင် သူ့ဆီကနေ တခြားလူကို HIV ကူးနိုင်ခြေ မရှိသလောက် နည်းသွားတယ်။

ဆေးဆက်သောက်နေဖို့တော့ လိုတယ်။

ဆေးရပ်လိုက်ရင် ပိုးပြန်ပွားလာနိုင်ပါတယ်။

ဆေးဆက်မသောက်ပဲ ​​HIV အရှင်းပျောက်နိုင်သလား

မပျောက်နိုင်သေးပါဘူး

HIV အရှင်းပျောက်သွားတဲ့ လူနာ ကမ္ဘာပေါ်မှာ ၂ ယောက်တော့ ရှိပါတယ်။

သွေးကင်ဆာရောဂါကို ရိုးတွင်းချင်ဆီ အစားထိုးကုသရာမှ တွဲရှိနေတဲ့ HIV ရောဂါ ပျောက်သွားတာပါ။

၂၀၀၇ ခုနှစ်မှာ ဂျာမဏီနိုင်ငံ ဘာလင်မြို့က လူနာ (Berlin patient)

၂၀၁၆ ခုနှစ်မှာ အင်္ဂလန်နိုင်ငံ လန်ဒန်မြို့က လူနာ (London patient) တို့ဖြစ်ပါတယ်။

သူတို့ကို အစားထိုးလဲလှယ်ကုသပေးခဲ့တဲ့ ရိုးတွင်းချင်ဆီကလည်း ထူးခြားမှုရှိပါတယ်။

HIV ပိုးက ရောဂါခုခံရေးမှာအရေးကြီးတဲ့ သွေးဖြူဥထဲ ဝင်ရောက်ဖို့ သွေးဖြူဥမျက်နှာပြင်မှ CCR5-Δ32 ဆိုတဲ့ အသားဓာတ်တစ်မျိုးနဲ့ ပေါင်းစပ်ဖို့ လိုအပ်ပါတယ်။ အဲ့ဒိ အသားဓာတ်က မျိုးရိုးဗီဇပြောင်းနေရင် HIV ပိုး မဝင်ရောက်နိုင်တော့ပါဘူး။ ဗီဇပြောင်း သွေးဖြူဥထုတ်ပေးမဲ့ ရိုးတွင်းချင်ဆီနဲ့ အစားထိုးပေးလိုက်လို့ HIV ပျောက်သွားတာပါ။

ဗီဇပြောင်းသွေးဖြူဥ လှူဒါန်းပေးနိုင်မဲ့ လူများများ မရှိသလို HIV ရှိရုံနဲ့ ရိုးတွင်းချင်ဆီအစားထိုးကုသဖို့လည်း လက်ရှိအနေအထားအရ မဖြစ်နိုင်သလောက်ပါပဲ။

❔ဘာလို့ဒါကိုရှင်းပြသလဲ

​​ဆေးဆက်သောက်နေဖို့ မလိုပဲ HIV ပျောက်အောင် ကုပေးမယ်ဆိုတာ သတင်းအမှားတွေဖြစ်ကြောင်း သိစေချင်လို့ပါ။

စိတ်ဓာတ်ကျစရာတော့ မလိုပါ။

ကျွမ်းကျင်တဲ့ ဆရာဝန်နဲ့ တိုင်ပင်ပါ

ရောဂါနောက်မကျမီ အချိန်မီကုသမှုခံယူပါ

​သင့်တော်တဲ့ ART ဆေး တစ်လုံး သို့မဟုတ် နှစ်လုံး နေ့စဉ် ပုံမှန်သောက်ရင် လူကောင်းတစ်ယောက်လို နေနိုင်ပါလိမ့်မယ်။

ရေရှည်သောက်ဖို့ အာနိသင်ကောင်းပြီး ဘေးထွက်ဆိုးကျိုး နည်းတဲ့ ART ဆေးအတွဲကတော့

Dolutegravir 50 mg + TAF 25 mg + Emtricitabine 200 mg အတွဲဖြစ်ပါတယ်။

Dolutegravir ပါဝင်လို့ အာနိသင် ပိုကောင်းပါတယ်။

TAF ဖြစ်လို့ ဘေးထွက်ဆိုးကျိုး နည်းပါတယ်။

ဝယ်သောက်မယ်ဆိုရင် တစ်ရက်စာ ဆေးတစ်လုံးတည်း KOCITAF, DOMTAF နာမည်တွေနဲ့ ရနိုင်ပါတယ်

ဆေး​တစ်လစာကို ၉သောင်းကျော်မှ တစ်သိန်းပတ်ဝန်းကျင်လောက် ရှိပါတယ်။

Dolutegravir 50 mg + TDF 300 mg +

Lamivudine 300 mg ပါဝင်တဲ့ ဆေးတွေကလည်း ဒုတိယ ဦးစားပေး သုံးနိုင်ပါတယ်။

TDF ပါတာမို့လို့ ရေရှည်သောက်ရင် ကျောက်ကပ်အားနည်းခြင်း၊ အရိုးပွခြင်း ဖြစ်နိုင်‌ခြေ ၁၀ ရာခိုင်နှုန်းကျော်လောက် ရှိပါတယ်။ ကျွမ်းကျင်တဲ့ ဆရာဝန်နဲ့ ပုံမှန်တိုင်ပင်ပြီး အနည်းဆုံး ၆ လ တစ်ခါလောက် စစ်ဆေးမှု ပြုလုပ်ရပါမယ်။

ဆေးအခမဲ့ ပေးနိုင်တဲ့ ဆေးရုံနဲ့ စင်တာ တစ်ချို့မှာ ပေး‌နေတာကို တွေ့ရပါတယ်။ ကောင်းပါတယ်။

ဝယ်သောက်မယ်ဆိုရင် ဆေးတစ်လုံးတည်း ACRIPTEGA, DLT နာမည်နဲ့ ရနိုင်ပါတယ်

ဆေးတစ်လစာကို ၇ သောင်းကျော်မှ တစ်သိန်းပတ်ဝန်းကျင်လောက် ရှိပါတယ်။

တစ်ရက်စာ ဆေးနှစ်လုံးဆိုရင် Dolutegravir + RICOVIR EM နာမည်နဲ့ရနိုင်ပါတယ်။

ဆေးတစ်လစာကို တစ်သိန်းခွဲဝန်းကျင်လောက်ရှိပါတယ်။

ကုန်ကျစားရိတ်သက်သာလို့ ဆေးအခမဲ့ပေးနိုင်တဲ့ ဆေးရုံနဲ့ စင်တာ အများစုမှာ ပေးနေတာကတော့

Tenofovir DF 300 mg + Lamivudine 300 mg or Emtricitabine 200 mg + Efavirenz 400 mg or 600 mg ဆေးအတွဲဖြစ်ပါတယ်။

HIV လူနာအများစု သောက်နေကြတဲ့ ဆေးအတွဲ ဖြစ်ပါတယ်။

အပေါ်အုပ်စု ၂ ခုနဲ့ ယှဉ်ရင်တော့ ဘေးထွက်ဆိုးကျိုး နည်းနည်းပိုပါတယ်။

TDF ပါတာမို့လို့ ရေရှည်သောက်ရင် ကျောက်ကပ်အားနည်းခြင်း၊ အရိုးပွခြင်း ဖြစ်နိုင်‌ခြေ ၁၀ ရာခိုင်နှုန်းကျော်လောက် ရှိပါတယ်။ ကျွမ်းကျင်တဲ့ ဆရာဝန်နဲ့ ပုံမှန်တိုင်ပင်ပြီး အနည်းဆုံး ၆ လ တစ်ခါလောက် စစ်ဆေးမှု ပြုလုပ်ရပါမယ်။

Efavirenz ပါလို့ ခေါင်းမူးခြင်း၊ အိပ်မပျော်ခြင်း၊ အိပ်မက်ဆိုးမက်ခြင်း ဖြစ်နိုင်ပါတယ်။

ဝယ်သောက်မယ်ဆိုရင်

TEE အတွဲကို

Viraday, Trustiva, Oditec နာမည်နဲ့ ရနိုင်ပါတယ်။

ဆေးတစ်လစာကို ၆ သောင်းကျော်မှ တစ်သိန်းဝန်းကျင်လောက် ရှိပါတယ်။

TLE အတွဲကို

AVONZA, Eletec နာမည်နဲ့ ရနိုင်ပါတယ်။

ဆေးတစ်လစာကို ၇ သောင်းဝန်းကျင်လောက် ရှိပါတယ်။

ဆေးပုံမှန်သောက်နေရုံနဲ့ မလုံလောက်ပါ။ ကျွမ်းကျင်တဲ့ ဆရာဝန်နဲ့ အနည်းဆုံး တစ်နှစ်တစ်ခါတော့ တိုင်ပင်ပါ။

Viral load ပိုးကောင်ရေ၊ CD4 count အနည်းဆုံး တစ်နှစ်တစ်ခါတော့ စစ်သင့်ပါတယ်။ တခြားစစ်ဖို့လိုတာတွေလည်း ရှိပါတယ်။

HIV နဲ့ ပတ်သက်တဲ့ ကျန်းမာရေး ဗဟုသုတ တိုးပွားပြီး ကျန်းမာပျော်ရွင်ပါစေ။

ဒေါက်တာငြိမ်းကိုဟိန်း

Happy & Healthy

————————————-

ကျွမ်းကျင်တဲ့သမားတော်နဲ့ တိုင်ပင်လိုရင်

ဆရာဝန်ညွှန်ကြားချက်နဲ့

ART or PEP ဆေး ဝယ်ယူလိုရင်

ငြိမ်းဆေးခန်းနှင့်ဆေးဆိုင်

အမှတ် (၅၁)၊ အနောက်ဈေးဟောင်းလမ်း၊ ဗဟန်း၊ ရန်ကုန်

Phone & Viber 09977273420 ကို ဆက်သွယ်နိုင်ပါတယ်

သိချင်တာရှိရင် ကွန်မန့်မှာ မေးသွားနိုင်ပါတယ်။ မိတ်ဆွေတွေသိနိုင်အောင်လည်း မျှဝေနိုင်ပါတယ်။